MUZAHARAR TUNAWA SHEKARA BIYAR DA TA'ADDANCIN SOJOJI A ZARIYA.
Yau Asabar 12/12/20, da Karfe goma na safe Yan uwa Almajiran Sheikh Ibrahim Zakzaky na Da'irar Kano, suka gabatar da Gagarumar Muzaharar tunawa cika Shekara biyar da Kisan Kiyashin da Sojojin Najeriya suka kaddamar akan Mabiya Sheikh Ibrahim Zakzaky a Zariya a daidai lokacin da suke bikin daga Tutar Maulidin Manzon Allah.
An faro Muzaharar daga Masallacin Jumma'a na Gidan Sarkin Kano. Aka mike zuwa Kasuwar Rimi, ana zuwa Karkashin Gadar Sama aka karya kwana aka miko Titin zuwa Kofar Nassarawa. Sannan aka sake kwana aka ratsa Titi cikin Kasuwa zuwa Yakasai aka bullo ta Kofar Asibitin Murtala aka sake hawa Titi har zuwa Kofar Mata.
Daga nan aka yi kwana aka doshi Indoor Stadium Sani Abacha har zuwa Kasuwar yan Waya har zuwa bayan Gidan Rediyon Kano aka bullo ta Titin IBB har zuwa gadar Sama ta gidan Rediyon Kno, aka yi Shatale-tale aka hau Titin Ibrahim Taiwo har zuwa Criss Cross zuwa Shatale-tale Isyaka Rabi'u aka mike har zuwa Kano Guest aka bi Shatale-talen Fagge, aka bullo ta kofar Masallacin Jumma'a na Fagge aka mike zuwa Wapa.
An kammala Muzaharar a Daura da Wapa daf da Shatale-talen Tsohon Gidan Jaridar Triumph. Duk kuwa da an ajiye Motar Yan Sanda dauke da Bindigogi.
Malam Bashir Ibrahim Sabon Titi ne ya yi Takaitaccen jawabi. A cikin Jawabinsa ya sake jaddada Bukatar yan uwa na dole ne Gwamnatin Buhari ta saki Sheikh Ibrahim Zakzaky. Ya kara da cewa ba muna roko bane wannan dole ne Buhari ya sako mana Jagora. Sannan ya yi kira da ga Yan Najeriya da su farka su rungumi wannan kirar da Sheikh Zakzaky ya yi shi ne mafitarsu. Ya ce wannan Kashe kashen da Satar Mutanen da ake babu ranar da zai kareshi, har sai Mutane sun tashi sun kwaci hakkinsu a hannun Azzalumai.
Masu Muzaharar suna tafe suna dauke da Hotona da Banoni na Sheikh Zakzaky. Suna tafe suna fadin Free Zakzaky dole. Wasu na fadin Sai Buhari ya yi mushe Zakzaky yana nan'
A karshe an sanar da Gobe Lahadi za ci gaba da Zikira rana ta biyu, wanda Jawabai ne daga bakunan wadanda Waki'ar ta rutsa da shu, kuma za a yi ne a Markaz Kofar Waika Kano.
. An Fatiha an kammala lafiya.
