Labarai

TAKARDAR MANEMA LABARAI.

TAKARDAR MANEMA LABARAI 11953184 136154406729490 188010297098094369 n
Ba da wa'adi da kuma barazanar ta da hankali ba dabi'armu ba ce
Yana da muhimmanci mu isar da wannan bayani cewa Harkar Musulunci a Najeriya ba ta taba ba da wa'adi ko kuma barazanar aukar da fitina a kan kowane mutum, wata kungiya ko gwamnati ba a tsawon shekaru 40 da fara wannan tafiya. Kuma wannan ba zai taba canzawa ba. Amma sai ga shi wani rahoton manema labarai a kwanakin nan ya nuna cewa 'an ba da wa'adi'.
Da alama dai Jami'an tsaro ne ke shirin kai jerin wasu hare-hare sai kuma daga baya su jingina alhakin harin ga Harkar Musulunci lokacin da wa'adin da ake cewa an ba da ya cika, don dai su yi amfani da wannan dama wajen cimma abin da suka kasa tsawon lokaci; wato su jingina fafutikar neman a saki Shaikh Zakzaky da ake yi na lumana a matsayin fitina domin su juya tunanin al'umma a kan Harkar Musuluncin sannan kuma su nuna kisan kiyashin da suka yi a watan Disamba a matsayin daidai. Lallai muna sane da wannan fuska biyu na makiyan mu, na nuna kamar suna kokarin neman a saki Jagoranmu ne, amma a zuciyar su suna nufin mugunta ne. Sun boye Shaikh Zakzaky ba tare da sun bar lauyoyinsa da likitocinsa sun gana da shi ba, amma kuma suna cewa wai suna ajiye shi domin 'ba shi kariya' ne.
Za mu so mu sake karyata duk wani barazanar aukar da fitina da sunan mu. Harkar Musulunci ba ta taba ba, kuma ba zata taba zama ita ke da alhakin tayar da tarzoma da wasu can za su yi da sunanmu ba. Za mu ci gaba da bin duk wasu hanyoyi da suka dace, na yanci da kuma wanda kundin tsarin mulkin kasa ya tabbatar domin cimma manufofinmu, ba kuma za a iya yi mana wata barazana Don mu sare ko mika wuya ba. Gangamin mu na lokaci-lokaci, Muzaharori da kuma duk wata fafutika da muka saba yi za mu ci gaba kamar yadda muka saba ba tare da tsoro ko fargaba ba. Kuma za mu ci gaba da neman hakkin mu a kotunan cikin kasa da kuma na kasa da kasa masu adalci kamar yadda muke yi tun watanni tara da suka gabata.
Daga karshe, muna amfani da wannan dama wajen yin kira ga mutane masu sanin ya kamata da su tsananta matsin lamba a kan gwamnatin Najeriya don ta saki Jagoranmu Shaikh Zakzaky ba tare da wani sharadi ba, domin ya je a kula da lafiyarsa.
Sa Hannu:
IBRAHIM MUSA
Shugaban Dandalin yada labarai na Harkar Musulunci a Najeriya.
08050786093
29/09/2016

Comment

TSAKANIN IZALA DA BOKO HARAM

TSAKANIN IZALA DA BOKO HARAM.
Duk wanda ya saurari jawabin da Shugaban Kungiyar Jama’atu Ahlus Sunnati Lid Da’awati Wal Jihad, Malam Abubakar Shekau ya yi na baya-bayan nan, zai fahimci ba kawai babu bambanci tsakanin wannan kungiyar da kuma Jama’atul Izalatul Bidi’a Wa’ikamatus Sunna (IZALA) ba ne, amma abu daya ne a furuci da aiki.
A cikin jawabin nasa, Abu Muhammad Abubakar Shekau, ya jadadda hakikanin akidarsu da fito da ita sarari, inda ya kore dukkan wani shakku, shubuha, ko kuma cece-kuce a kan Malamai da littattafan da madogarar da suka dogara da ita wajen kafirtawa da kuma kashe al’ummar Musulmi da suke yi ba dare ba rana.
Bayan ya lissafo manyan Malamai irin su Shehul Islam Ibn Taimiyya, Allama Zahbi, Shaikh Muhammad Bn Abdlwahab da littafinsu da kuma irin fatawowin da suka bayar a kan halatta jinin wadanda ake tuhuma da aikata shika asgar, sai ya ce ba sa kafirtawa ko kashewa, sai wanda Allah da Manzo da Salafus Salih suka kafirta ko kuma suka ce a kashe ko da kuwa wannan mutumin yana Sallah yana Azumi ko yana jagorantar jama’a Sallar Juma’a.
A cikin jawabin nasa na kusan mintina 40, Abubakar Shekau, ya musanta ikirarin sojoji na cewa sun kashe shi, ko kuma an jikkata shi a hari ta sama da suka kai masa a maboyarsa. Ya tabbatar da cewa yana nan cikin koshin lafiya da walwala. Yana mai cewa ba zai mutu ba har sai ajalin da Allah ya diba masa ya cika.
Masu nazarin al’amura na ganin cewa duk masu kafirta Musulmi da kuma kashe su, ko kuma murna idan wasu azzaluman masu mulki sun kashe wasu raunana, ’yan Boko Haram ne a cikin wata rigar ta daban. Idan har gwamnati tana ganin in ta murkushe ’yan Boko Haram na cikin daji masu dauke da makamai shi ke nan, tamkar ta kashe maciji ne, ba ta sare kansa ba. Wajibi ne a tsige matsalar daga tushenta.
Wasu masana kuma suka hakikance cewa ba wani bambanci tsakanin Wahabiyyawa da ’yan Boko Haram; “In ma akwai bambanci a tsakaninsu, bai wuce na Dan Boko Haram din birni da na Kauye ba. Wahabiyawa ne ke yanke wa mutane hukunci kisa (a mumbari), ’yan Boko Haram kuma su zartar!”
Akwai wasu masanan da ke ra’ayin sanar da tsari a wa’azozin da ake yi a daina barin mutane suna wa’azi haka sakaka ba tare da control ba. Cikin masu wannan ra’ayin har da fitaccen Malamin Jami’ar nan, Dakta Sheriff Almuhajir, inda ya rubuta a turakarsa ta facebook cewa; “A kullum na ga video daga Shekau sai mamaki ya kama ni yadda gwamnati ke barin mutane suna wa’azi sakaka ba ‘control’ a kasar nan, sai an samu ’yan tawaye kuma a ce za a yake su.
“Duk da na sani ba kowa zai gane ba; amma a yanzu haka muna tare da mutane da bambancinsu da shi kawai aiki ne, amma akidar su daya, abin da yake fada shi suke fada, hujjojin da yake dogaro da su, ita ce tasu.
Bambancinsu kawai shi yana kashe Musulmai da sunan kafurci, su kuma suna kafurta su, amma ba su kashe su. Sai dai sun yarda kashe su daidai ne da karantarwa Musulunci. Kuma suna bayyana hakan a kalmominsu da ayyukansu, da kuma kudurce-kudurcensu. Wallahil azeem idan ba a yi ‘controlling’ wa’azi ba, nan gaba ’yan tawaye da za su bayyana sun fi karfin Shekau”, in ji shi.
#FreeZakzaky
#AllahProtcetZakzaky
Saleh Aliyu
25/09/2016

Comment

MARTANI : GANGAMIN GANIN BAYAN SHI'A A IKKO (LEGAS)

MARTANI : GANGAMIN GANIN BAYAN SHI'A A IKKO (LEGAS) Jabun Gangami

Bayan ta'addancin da Sojojin Nijeriya ’yan ina-da-kisa suka yi ma raunana 'Yan Nijeriya ‪#‎Zariya‬ _kisan Kiyashi, inda suka kashe mutum sama da 1000+ a Birnin Zariya, Gwamnatin Nijeriya ke daukar dawainiyar tallace-tallace na farfaganda ta kafofin sadarwa da nufin cusa kyama, da haddasa karan tsana ga Harkar Musulunci a Nijeriya a zukatan Jama'a. Wannan yunkuri dai ana yin sa ne don a iya samun damar halasta wannan danyen aiki da Sojojin Nijeriya suka aiwatar bisa umurnin Shugaban kasar Nijeriya, Buhari. Kash! Allah Mai kowa Mai iko, ashe sun makara, 'Yan Nijeriya sun fadaka, sun kai 'GANO ' wadanda ke bukatar a samar da ingantacciyar Hukumar Bincike mai zaman kanta, wadda za ta binciki wannan kisan Kiyashi. Wanda har ya zuwa yau Gwamnatin Nijeriya ta ki ta samar da shi.

NA TAUSAYAWA TUKUR BURUTAI DA RUNDUNARSA.

'Zakzaky ka fito kafin na kirga Uku ko na rubza gidan a kanka!'

'Mun kashe Shi'a sauran Zakzaky! Ka fito Zakzaky yau za mu kashe ka!'

Wannan kadan kenan daga irin kalaman da Sojojin da Njeriya da kwamandansu suke dinga yi suna ihu da sowa a kofar gidan Sheikh Ibrahim Zakzaky bayan sun kashe dukkanin mabiyansa da suke kewayen gidan.

KARO DA SHI'A BABU DADI.

Wannan shi ne taken labarin na.Amma sai na fara da Karar farautarsa Azzaluman Duniya, wanda suke maida shi kamar Rakumi da alaka, sai abin da suke ce masa shi da Ogansa Dan Adamu mai Agwagwa.

Ba mamaki Makiya su yi dari su ce Uhmm ka ji Kuri ba Buratai ne ya Ci Ubanku ba har guduwa ku ka ke yi, Sojojinsa sun kashe ku sun kashe Matanku da Yayanku har sun yiwa Matanku Fyade kafin su kashesu. Shin ba kuna gani bane aka rushe Mahallinku na Husainiyya da gidan Shugabanku da Makabartar 'Yayan da Gwarazanku, shi kuna ina ne El Rufa'a ya rushe Kabarin Mahaifiyar Zakzaky? Sannan za ku zo ku ce mana wai fada d Shi'a babu dadi. Idan kun isa ku kwato Zakzakin naku mana ku daina damunmu da 'Dole a Saki Zakzaky' Ku huta muma mu huta.

Uhm Gaskiya Dan Izala abin da ka fada duk an yi mana. Amma Yaro bari Murna Karenka ya kama Zaki ba ka sani bane.

Ina Tausayawa Buratai saboda daga jin sunansa Musulmi ne shi, kuma harshen mu daya dashi sannan al'adunmu daya da shi. Sannan shi Mutum ne kamar ni kafin ya maida kansa Karen Yahudawa. Mu a addinimu an ce dukkan Mutum kodai dan uwanka ne a Addini ko kuma dan uwanka ne a Mutuntaka. Saboda haka na tausaya masa da ya sayar da Lahirarsa har da Duniyarsa ma bai sani ba, sai yanzu ya fara fahimta. Akan alkawarin Mulki da yan Kudaden da Wahabiyawa suke bashi ladan aikinsa, ya yi hannun riga da Rahamar ubangijinsa. Menene a wannan Duniyar da har zai rudi Mutum mai hankali ya sayar da Lahirarsa da ma jin dadin Duniyarsa akan wani abu da ba matabbaci ba?

Lokacin da Buratai ya zo Zariya da nufin shekar da jinanan Shi'a ya kama Zakzaky ya kashe shi kamar yadda suka yiwa Muhammad Yusuf, ya zo cike da Izza da karfi na Makamai da goyan bayan Gwamnatin Najeriya da Isara'ila da Amurka da Saudiya, yana jin cewa duk Najeriya ba wani wanda ya ke gabansa hatta Ogansa Dan mai Agwagwa.

Buratai da Yaransa sun dauka aikin da aka ba su ba zai dauke su Sa'o'i Uku ba, amma ina sai ga Wankin Hula ya kai su dare.

Farko Mu ba Yaki mu ka zo ba, amma Buratai ya yi shirin Yaki kamar zai Gwabza da Wata kasa mai karfin Soja. Duk da shirinsa sai ya kasa fitowa ya ce 'Yau Rundunar Sojojin Najeriya za su kauda yan Shi'a sannan kuma su kashe Shugabansu' Amma sai bai iya yin haka ba. Sai suka ce Wai an tare musu hanya. Wannan Shirin Shaidai ya kawata musu shi sosai don nan da nan Kafafan Yada Sharri irinsu BBC da VOA suka dinga Maimaita cewa Buratai ya tsallake rijiya da baya. Bayan karyar ta yadu a duniya sai kawai cikin dare suka fito da Mugun Nufinsu. Saboda su ta'addancin da suke son yi kafin dare ya yi. Ga wanda yake bibiyar lamarin zai gane cewa Buratai ya so ya yi Ta'addancinsa da rana ne amma sai ya ga sauran yan uwa za su kawo dauki, don kare Shugabansu, don haka ma Iyayengidansa suka zabi lokacin da Yan uwa ba su fara tururuwa zuwa Maulidi ba, lokacin da aka gama Tattaki kafin Maulidi ya zo. Da Buratai Jarumi ne da sai ya zabi lokacin Tattaki ko kuma Lokacin da mu ka zo Muzaharar Maulidi sai ya ayyana abin da ya zo ya yi akanmu. Amma Buratai ya ji tsoro don haka ya Shammace mu. Ba mamaki wani ya ce ai Yaki haka yake, dan Zanba ne, sai mu ce to ai mu ba Yaki muka fito ba, ba kuma Yaki muke da wasu ba. Kuma ba mu da makamaai, babu wani dalili da Mai Makamai zai yi mana kwanton Bauna,dan ba Matsoraci bane. Amma haka aka tsarawa Buratai.

Buratai da rundunarsa sun yi mana ruwan Wuta babu tausayi ba tare da bin Ka'idarsu Yaki ba. Sun yi amfani da Manyan Makaman Yaki irinsu Tankoki da Motoci masu Sulke da RPG(Rocket Propel Granade" sun yi amfani da Bomb da Shell da Gurnet da Bindigogin Snipers Rafle, da Mashingan Iri iri. Wasu makaman ana amfani da sune akan Tankokin Yaki da Motoci masu Sulke wasu don tarwatsa Ramin Karkashin Kasa. Amma haka suke shafe awowi sama 48 suna ruwan Wuta akan mu ba mu da komai sai dai idan ka ga Dutse a gabanka ka dauka ka yi Jifa da sunan Allah. Babu Jarumta ga duk rundunar Sojan da take dauka wannan lokaci ta kasa Murkushe marasa Makami. Ganin asirinsu ya toni sai suka dinga amfani da 'Shell' suna cinna Wuta a cikin Yan uwa. Sun Kone Mutane da yawa wasu Gawarwakinsu kona wasu kuma da ransu suka konesu.

Rundunar Buratai sun yi dukkan wani nau'in ta'addanci da ransu zai iya sauwala musu akamu. Sun ci zarafin Matanmu sun tarwatsa Gawarwakin yan uwa. Sun kashe Yara kanana. Wani abin Jarumta wasu Sojoji suka yi a Husainiyya sun je wani daki da aka rufe Yara kanana a cikin da suke ta Kuka saboda ruwan Wutar da ake a cikin Husainiyyar, suna balle Kofar sun harbesu gabadayansu, Wani Jarumin Soja bayan ya kashe Uban Wani Yaro, Yaron ya taho yana Baba! Baba sai kawai ya sa Bindiga ya harbeshi. Irin wannan Jurumtakar suka ka yi akan Yara Mata Matasa harbi a ka ko a Kirji ko a Kahon Zuciya.

A takaice dai sun yi kasa kala-kala sun kone Yara sun Kashe Iyayensu Mata bayan sun yi musu Fyade sun saka Wuka sun farka Matancinsu, wasu sun saka bindiga sun harbi gabansu. Suna Ihu suna kafin ku je Wuta. Duk wani Dabbancin ba irin wanda ba su yi mana ba. Abin da suka yi mana ya shige Dabbanci, saboda dabba hatta ta Dawa ba ta kashe Yar Uwarta dabba don kawai ta fi ta karfi ko don ta Isa ko don Wata Dabba ta umarceta. Dabbobin Dawa masu cin Nama suna kashe Dabbo yan uwansu idan suna jin yunwa kawai. Amma ba don isa ba. Amma Sojojin Najeriya sun yi mana haka, abin da Dabba ba za ta yiwa Dabba yar uwarta ba.

Idan ka tambayesu me ya sa Kuka kashe Yara a cikin Husainiyya sun tare muku hanya ne, ba za su iya ba ka amsa ba. Ko ka Tambayesu da wacce hujja ku ka kai hari gidan Sheikh Zakzaky har kuna cewa za ku kashe shi, kun kashe Shi'a Saura Zakzaky, Shin kuna kare Wahabiyanci ne ko kune baradan Izala ko Dakarun Kare Sahabbai duk da wasu a cikinku ba san su waye Sahabbai ba. Ko ka tambayi Buratai me ya sa ka ba da Umarni aka Kone gawarwaki bayan kun kashesu, me ya sa kuka kone wasu da ransu? Shin ba ka ce yan Shi'a sun karya doka bane shi ya sa ka ke kashesu? Wacce doka ce ta ce idan an karya dokar kan hanya hukuncinsa Kisan Kiyashine. Shi a dokar Soja ba haramin bane kashe wanda ba shi da Makami? ..... Za mu ci gaba. 1460982 991672437537611 183424493992768767 n